စာအုပ်များ

Hidden History of Burma

“သန့်မြင့်ဦးသည် အမျိုးသားရေး၊ အရင်းရှင်စနစ်၊ ပထဝီဝင် နိုင်ငံရေးနှင့် ဆိုရှယ်မီဒီယာကဲ့သို့ မတူကွဲပြားသည့် အကြောင်းအရာများကို မြန်မာနိုင်ငံ၏ အတိတ်ဆိုးနှင့် ပစ္စုပ္ပန်တို့နှင့် ပညာသားပါပါ ချိတ်ဆက်ကာ ရှင်းလင်းစွာ သုံးသပ်ပြထားသည်။ မြန်မာနိုင်ငံအကြောင်းနှင့် လာမည့်ဆယ်စုနှစ်များစွာအတွင်း ရင်ဆိုင်ရမည့် စိန်ခေါ်မှုများကို နားလည်လိုသူများ မဖတ်မဖြစ် ဖတ်ရမည့် စာအုပ်။”

- Kishore Mahbubani, ကုလသမဂ္ဂ လုံခြုံရေးကောင်စီ ဥက္ကဌဟောင်း၊ Lee Kuan Yew School of Public Policy တည်ထောင်သူ။ 

 

“မြန်မာနိုင်ငံ အကြောင်း စိတ်ဝင်စားသူများ အတွက်သာ မဟုတ်၊ လူမျိုးရေး၊ အမျိုးသား သရုပ်လက္ခဏာနှင့် လက်ရှိ ကျွန်ုပ်တို့နေထိုင်လျက်ရှိသော ၂၁ ရာစုကမ္ဘာကြီး၏ ဒီမိုကရေစီ၊ နိုင်ငံသားဖြစ်တည်မှု၊ လူမျိုးရေး စသည့် ကျယ်ပြန့်သည့် အကြောင်းအရာများကို မေးခွန်းထုတ်လိုသူများ မဖြစ်မနေ ဖတ်ရမည့်စာအုပ်။”

-      Ian Bremmer, Eurasia Group ဥက္ကဌ။   

 

“သန့်မြင့်ဦးသည် မြန်မာနိုင်ငံ အကြောင်း ရေးသားရာတွင် နှစ်ယောက် မရှိသူပင်။”

- Pratap Bhanu Mehta, အဓိပတိ၊ Ashoka University.

 

“ခေတ်သစ် မြန်မာ့သမိုင်းကြောင်းကို စာရေးသူက ကိုယ်ချင်းစာရသည့် အတွင်းလူ အဖြစ်ရော၊ မိမိနိုင်ငံ၏ ထူးခြားသော အပြောင်းအလဲများကို ဘက်မလိုက် မျက်မြင်ကိုယ်တွေ့ ကြုံရသူ အဖြစ်ပါ ရေးသားတင်ပြထားသည်။”

-      Shyam Saran, အိန္ဒိယနိုင်ငံ၏ နိုင်ငံခြားရေး ဝန်ကြီးဟောင်း။

 

“မြန်မာနိုင်ငံ၏ ဒုက္ခသုက္ခပေါင်းစုံနှင့် မပြီးဆုံးသေးသည့် အာဏာရှင်စနစ်မှ ဒီမိုကရေစီစနစ်သို့ အကူးအပြောင်းကာလအကြောင်း ညှို့ငင်ဖမ်းစားစွာဖြင့် ရေးသားထားသော စာအုပ်သစ်။ The Hidden History of Burma စာအုပ်သည် မြန်မာနိုင်ငံသစ်ကို ရှုမြင်ပုံ ရှုမြင်နည်းအတွက် ရည်ညွှန်းကိုးကားရမည့် စာအုပ်တစ်ခု ဖြစ်သင့်ပေသည်။”

-       Josh Reed, Financial Times

 

“စောင့်ဖတ်ရသည့် မြန်မာနိုင်ငံ အကြောင်း စာအုပ်သစ်။ လတ်တလောနှစ်များအတွင်း မြန်မာ့ နိုင်ငံရေးနှင့် လူမှုရေး စပ်ကူးမတ်ကူး ကာလကို ကန့်လန့်ကာ နောက်ကွယ်မှ ကြုံတွေ့ရပုံ၊ ဖန်တရာတေ ဒဏ္ဍာရီများကို သတ္တိရှိရှိ အထုတ်ဖြည်ထားခြင်း၊ မြန်မာနိုင်ငံ အတွက် ပိုမိုကောင်းမွန်သော အနာဂတ်နှင့် ဇာတ်လမ်းသစ် တစ်ပုဒ်ကို စိတ်ကူးပုံဖော်ရန် အရေးတကြီး လျှောက်ထားချက် ဖြစ်သည်။”

-      Emma Larkin, Finding George Orwell in Burma စာအုပ် ရေးသားသူ။

မကြာမီ မြန်မာဘာသာဖြင့် ထွက်ရှိပါမည်။

 

ရရှိနိုင်သော နေရာများ

U Thant House

အမေ့ခံအတိတ်

မြန်မာပြည်နှင့် သူ၏သမိုင်းစဉ်ကို ကျွန်ုပ်တို့ မည်မျှအထိသိရှိပါသလဲ။ ၎င်းအပြင် မြန်မာပြည်က လောလောဆယ် အခြေအနသာမက နောင်အနာဂတ်ရေးရာကိုပါ မည်မျှအထိ အမှန်တကယ် တိတိကျကျ သိရှိကြပါသလဲ။ ဆယ်စုနှစ်န နှစ်ခုနီးပါးမျှ အနောက်တိုင်းအစိုးရများနှင့် တဖြည်းဖြည်းတိုးပွားလာသော အမျိုးသားရေးလှုပ်ရှားရေး အသိုင်းအဝိုင်းကပါ ပိုမိုလွတ်လပ်သော၊ ပို၍ ဒီမိုကရေစီဆန်သောအခြေအနေသို့ပြောင်းလဲလာအောင် စီးပွားရေးပိတ်ဆို့မှုများ၊ သပိတ်မှောက်မှုများနှင့် အဆင့်ဆင့်ကြိုးပမ်းနေသည့်ကြားမှပင် ပိုမိုပြင်းထန်ကြမ်းကြုတ်ရက်စက်သော စစ်အာဏာရှင်စနစ်ဆီ မိမိဘာသာပြောင်းရွှေ့သွားပုံကိုကြည့်ကာ အားမလိုအားမရ ဒေါမနဿဖြစ်ရသည်။

ယခု သန့်မြင့်ဦးက ခေတ်သစ်မြန်မာ့သမိုင်းနှင့် သူ့မိသားစုအကြောင်းကို ရေးသားတင်ပြလိုက်ပေပြီ။ ခံစားချက်အပြည့်နှင့် ကဗျာဆန်ဆန်ပြဇာတ်ဟန်ပန်လည်းပါ စိတ်ထိခိုက်ကြေကွဲဖွယ်ရာတို့ ရက်ဖောက်ယှက်နွှယ် ဇာတ်လမ်းသွယ်ထားသော အရေးကောင်း၊ အပြောကောင်း၊ ဇာတ်ကြောင်းတစ်ခုဖြစ်သည်။ စာရေးသူ၏ ထင်ရှားသော မိသားစုဝင်များ၏ အကြောင်းချင်းရာနှင့် အခြားသူတို့၏ဇာတ်လမ်းများမှတဆင့် မြန်မာပြည်၏ ဘုန်းမီးနေလတောက်ပချိန်နှင့် ခေတ်သစ်သမိုင်း၌ ကျဆုံးခန်းကို ပေါ်တူဂီပင်လယ်ဓားမြများ၏ ခေတ်ကာလ၊ မြန်မာပြည်တွင်းသို့ ပြေးဝင်ခိုလှုံလာသော မဂိုမင်းသားစသည့် ဇာတ်လမ်းမှ အစပြု၍ ယနေ့ခေတ်ကမ္ဘာပေါ်၌ အရှည်လျားဆုံး နှစ်ပေါင်း ၆၀ ကျော် ပြည်တွင်းစစ်ကာလအထိ ခင်းကျင်းတင်ပြထားသည်။

"အမေ့ခံအတိတ်" သည် ပုဂ္ဂိုလ်ရေး အတွေးအမြင်နှင့် ကမ္ဘာ့အသွင်ကို တပြိုင်တည်း ထင်ဟပ်ပြနေ၏။ တိုတိုရှင်းရှင်းကွင်းကွင်းကွက်ကွက် သမိုင်းကြောင်းတင်ပြမှု ( The World Street Journal) ဖြစ်ပြီး။ မြန်မာပြည်ကို အများက အလွယ်တကူသိမြင်နားလည်နိုင်စေသည်။ နှစ်သက်ကြည်နူးစွာ ဖတ်ရမည့်စာအုပ်ဖြစ်သည်။

 


"စိတ်ဝင်စားဖွယ်ရာ ညှို့ငင်ဖမ်းစားနိုင်သည်"
Time Magazine

 

"အဆန်းတကြယ် ဆွတ်ပျံ့နှစ်လိုဖွယ်ရာ မြန်မာပြည်၏ ရုပ်ပုံလွှာ"
Newsweek

ရရှိနိုင်သောနေရာများ

U Thant House
Myanmar Book Center
City Mart ဆိုင်ခွဲများ

ခေတ်သစ်မြန်မာအား ဖန်တီးပုံဖော်ခြင်း

"ခေတ်သစ်မြန်မာပြည်အားဖန်တီးပုံးဖော်ခြင်း" သည် မြန်မာနိုင်ငံ၏သမိုင်းတွင် အဓိကကျသော အချိန်ကာလတစ်ခုအကြောင်းကို အကောင်းဆုံးသုတေသနပြုလေ့လာပြီး တိကျပြည့်စုံစွာ တင်ပြထားသည်။ ကုန်းဘောင်ဘုရင့်တိုင်းပြည်မှ ဗြိတိသျှအုပ်ချုပ်ရေးသို့ ကူးပြောင်းခဲ့သည့် အချိန်ကာလပင်ဖြစ်၏။ ဤစာအုပ်သည် မင်းတုန်းမင်းနှင့် သီပေါမင်းတို့ ထီနန်းစိုးစံသောကာလများအပေါ် နိုင်ငံတကာရှုထောင့် အမြင်သစ်များကို တင်ပြထားပြီး အဆိုပါမင်းများလက်ထက်တွင် အစိုးရများက နိုင်ငံခေတ်မီတိုးတက်အောင် အပတ်တကုတ် အားထုတ်လုပ်ဆောင်ခဲ့ကြောင်း ရှင်းရှင်းလင်းလင်း ပြသနေသည်။ ကုန်းဘောင်အစိုးရများနှင့် ဗြိတိသျှနယ်ချဲ့ဝါဒတို့ကြားမှ အပြန်အလှန်ဆက်သွယ်တုံ့ပြန်ဆောင်ရွက်မှုများက ကျွန်ုပ်တို့ပိုင်ဆိုင်နေရသည့် ယနေ့ခေတ် မြန်မာပြည်ကြီးကို ဖန်တီးပုံဖော်ခဲ့ခြင်းဖြစ်ကြောင်း ဤစာအုပ်တွင် အခိုင်အမာ ဆွေးနွေးတင်ပြထားသည်။

ရရှိနိုင်သောနေရာများ

U Thant House
Myanmar Book Center
City Mart ဆိုင်ခွဲများ

တရုတ်နှင့် အိန္ဒိယဆုံမှတ်

"သမိုင်းခေတ်ပြိုင် ခရီးသွားဆောင်းပါးနှင့် ပုဂ္ဂိုလ်ရေး၊ မိသားစုတမ်းတမှုများကို ဆက်စပ်ပေါင်းစပ်ထားသော၊ ကြွယ်ဝသော၊ ချစ်စရာကောင်းသော၊ သို့သော် မြန်မာပြည်၏ ဝမ်းနည်းကြေကွဲဖွယ်ကောင်းသောပုံရိပ်များ။"

ဂျိမ်း(စ်)ဖာလိုး(စ်) နယူးယောက်တိုင်းမ်(စ်)

"ပုဂ္ဂလိကပြန်လည်ခံစားမှုများနှင့် သမိုင်းကို ရောမွှေကာ ရှင်သန်သော မျက်စိဖြင့် ကြည့်မြင်သုံးသပ်သော ဖြစ်ရပ်မှန်ဇာတ်လမ်း-ခရီးသွားဆောင်းပါးနှင့် စကားစစ်ထိုးပွဲ။"

အီကောနောမစ်မဂ္ဂဇင်း

"ဒေသအကြောင်းအကောင်းဆုံးမိတ်ဆက်မှု၊ အိန္ဒိယနှင့် တရုတ်တို့ကြားမှပေါ်ထွန်းလာသော ဆက်ဆံရေးတွင် အဓိကအခန်းအဖြစ် ပါဝင်သောမြန်မာပြည်။ သန့်မြင့်ဦး၏စာအုပ်သည် မြန်မာပြည်၏အနာဂတ်ကို အဆင့်မြင့်သုံးသပ်ထားသည်။ အာရှ၏ ပင်မနယ်မြေကြီးပေါ်မှ တစ်မူထူးခြားသော ပထဝီဆိုင်ရာ အပြောင်းအလဲများကို တစိမ့်စိမ့်ချင့်ချိန် စဉ်းစားနိုင်ရန် စာဖတ်သူများကို အလုပ်ပေးထား၏။"

ဂရန်အီဗန်း(စ်) 
တိုင်း(မ်)(စ်) စာပေအချပ်ပို

ရရှိနိုင်သောနေရာများ

U Thant House
Myanmar Book Center
City Mart ဆိုင်ခွဲများ

 
 
 

©2019 by Thant Myint-U.